Sörublogg

Aðalvalmynd

Bloggarar

Myndasíður

01.02.2009 10:48:35 / sara

Lífsmark

JÆJA

Bloggheimar eru frekar daufir eftir að feisbókaræðið skall á.

Ég hef nú ekkert merkilegt að segja, þó að margt og mikið hafi gerst frá því að ég bloggaði síðast - þó aðallega í þjóðfélagsmálum sem ég ætla nú ekki að tíunda hér. Get þó sagt að það er ekki heppilegasti tíminn að vera í fæðingarorlofi núna, en við þraukum

Börnin dafna vel og eru nokkuð hress og kát. Smávægileg veikindi eru búin að hrjá fjölskylduna í janúarmánuði en þau eru nú öll á undanhaldi. Drengurinn er stór og stæðilegur og vekur mikla athygli meðal fólks vegna stærðar sinnar. Hann er nú orðinn 6 mánaða gamall. Stúlkan unir sér vel á leikskólanum og er mikill fjörkálfur, hún er ákveðin ung stúlka sem veit hvað hún vill. Karen Eva verður 3 ára gömul í apríl. Já, tíminn flýgur áfram.

Ég byrja að vinna 2. júní og vinn þar til sumarfrí byrjar, en það eru einhverjir örfáir dagar. Svo tekur vinnan aftur við um miðjan ágúst á fullum krafti. En það er nú langt í það.

Ætlaði bara að henda hér inn nokkrum línum til að halda blogginu lifandi...

Góð kveðja frá mér

» 1 hafa sagt sína skoðun

31.10.2008 09:47:16 / sara

Lítil kveðja

Það er ekki mikið bloggað þessa dagana.

Það eru allir orðnir þreyttir á krepputali fyrir löngu. Að sjálfsögðu vonar maður að það birti fljótlega til.

Það er lítið fréttnæmt á þessum bæ. Hér eru allir hressir og kátir og börnin eru í góðum gír.

Það styttist í jólin og við í Gospelkór Fíladelfíu erum farin að undirbúa árlegu jólatónleikana. Því eru jólalögin farin að klingja í höfðinu á mér sem er hið besta mál.

Vildi bara hendi inn smá kveðju til ykkar. Vonandi eigið þið öll góða daga :0)

» 0 hafa sagt sína skoðun

14.09.2008 11:15:59 / sara

Krumpað geð

Lífið er býsna gott hér í Hafnarfirðinum.

KE er búin að vera veik í viku en sem betur fer var hún hitalaus í gær og í dag. Því er stefnan tekin á leikskólann í fyrramálið. Inniveran hefur farið nokkuð illa með geðheilsu heimilisfólksins.

ÁÖ hefur ákveðið að taka lífið með stæl og stækka hratt. Hann er stór og stæðilegur drengurinn og er algjör dúlla. Hann er voða rólegur og þægilegur.

Það er lítið títt hér á þessum bæ sökum inniverunnar. Sjónvarpsgláp og tölvugláp hefur átt huga manns síðustu vikuna. Stefnan er tekin á norðurlandið á þriðjudaginn og þá batnar geðið væntanlega til muna.

» 0 hafa sagt sína skoðun

22.08.2008 15:47:42 / sara

Allt í blóma

Ég gat ekki horft á leikinn áðan, nema síðustu mínúturnar. Ég höndla mjög illa svona mikla spennu. En ég fylgdist reglulega með stöðunni og gerði grín að bóndanum sem lét öllum illum látum. Drengurinn var sofandi við hliðina á honum og lætin voru því minni en ella...

En lífið á þessum bæ er voða ljúft og rólegt (svona oftast nær). KE er afar ánægð á leikskólanum og gengur mjög vel. ÁÖ er duglegur að sofa, drekka og vera algjört bollukrútt :0) BÖ stendur sig með prýði að vera í feðraorlofi og SH er bara nokkuð góð - fer einstaka sinnum út úr húsi til að viðra sig, en á eftir að auka ferðirnar út með vagninn.

Menningarnótt framundan. Ætli ég taki nokkuð þátt í þeirri gleði - það fer eftir veðri, vindum og ástandi fólks á heimilinu.

» 1 hafa sagt sína skoðun

06.08.2008 21:01:45 / sara

Og drengurinn kom :0) 41+6

LOKSINS erum við nettengd eftir tveggja vikna útlegð frá umheiminum!!!

Fyrir viku síðan (30. júlí) fæddist Ásgeir Örn. Á mánudeginum var hreyft við belgnum og ég fór að fá samdráttarverki aðfaranótt þriðjudags. Hann kom svo í heiminn aðfaranótt miðvikudagsins kl. 03:38. Fæðingin gekk vonum framar og "litli" gaurinn minn fæddist 4440 g og 55 sm. Stærð hans kom mér verulega á óvart.

Allt gengur vel, hann sefur mikið og drekkur vel. Systir hans stendur sig með prýði, er ennþá meiri pabbastelpa en áður og er voða góð við litla bróður. Hún byrjaði í aðlögun á leikskólanum í dag og er voða spennt.

Lífið er yndislegt

» 2 hafa sagt sína skoðun

26.07.2008 14:04:20 / sara

41+2

Jæja gott fólk. 9 dagar fram yfir, takk fyrir. Barnið kemur kannski á afmælisdaginn hans Bigga sem er á mánudaginn. En það væri nú mjög gaman ef það kæmi t.d. á morgun. Er alls ekki farin að örvænta, veit að barnið kemur fljótt en aldrei átti ég von á því að það kæmi svona seint. Svona er þetta bara.

Erum ekki nettengd þessa dagana en það kemst vonandi í lag sem fyrst. Ótrúlegt hvað maður verður háður þessu blessaða neti.

Bumban

» 1 hafa sagt sína skoðun

21.07.2008 18:19:13 / sara

40+4

Haustið kom í dag

Jú, jú, það er líka 4. dagur fram yfir.

Ég er nokkuð róleg, byrjaði að fá einhverja smá verki í fyrri nótt sem hafa verið á undanhaldi í nótt og í dag. Er orðin mjög þreytt í mjóbaki og staulast um sem aldrei fyrr. Næ varla að "meika" eina Bónusferð. Ég átti KE eftir 40+3 þannig að ég er búin að toppa það. Kosturinn við að vera ekki búin að eiga er að við komumst í veislu í gær hjá góðum vinum okkar og fengum þvílíkt gott að borða - og ekki finnst mér nú slæmt að borða góðan mat.

Þið heyrið frá mér aftur síðar kæru lesendur.

» 1 hafa sagt sína skoðun

16.07.2008 21:54:53 / sara

39+6

Settur dagur er á morgun!!

Engar vísbendingar eru í gangi að eitthvað sé að fara að gerast. En hver veit, þetta getur komið eins og þruma úr heiðskíru lofti. Það væri fínt ef ég færi af stað um helgina. En það er víst erfitt að panta slíkt. Litli kallinn kemur bara þegar hann á að koma. Það eru svo margir í fjölskyldum okkar og vinahóp sem eiga afmæli í júlí. Það er spurning hvort hann ætli að velja sér einhvern dag sem enginn annar er með frátekinn.

Knús

» 1 hafa sagt sína skoðun

07.07.2008 21:52:43 / sara

38+4

Sólríkur sumardagur í dag. Þokan lét undan og hvarf á braut. Það verður allt svo fallegt og skemmtilegt í góðu veðri.

Það líður að fæðingu, en settur dagur er fimmtudagurinn í næstu viku - 17. júlí. Ég er nett kvíðin fyrir fæðingunni þar sem fyrri reynsla var, ja ekki svo notaleg!!!!! En ég bind vonir við auðveldari og fljótari fæðingu í þetta skiptið.

Allt er að verða klárt fyrir komu prinsins en þó á eitthvað eftir að græja. Engir fyrirvaraverkir og heilsan nokkuð fín.

Vorum í brúðkaupi á laugardaginn hjá æskuvini Bigga. Hefði alls ekki viljað missa af því.

Ættarmót á Borgarfirði eystri var haldið án okkar með pompi og prakt... við förum bara næst.

Biggi er kominn í vaktafrí og er ég gríðarlega fegin því. Stubbulínan okkar hættir hjá dagmömmunni á föstudaginn og fer svo í leikskóla í byrjun ágúst. Litla stelpan mín er að verða svo stór.

Læt vita af komu drengsins.

» 2 hafa sagt sína skoðun

16.06.2008 10:18:49 / sara

Sumarfrí... og gott betur

Á þriðjudaginn í síðustu viku vann ég minn síðasta vinnudag í dágóðan tíma. Ég mun ekki byrja að vinna aftur fyrr en haustið 2009!!! Það er býsna langt í það. En hið langþráða sumarfrí brast sem sagt á í síðustu viku og er frábært að slappa af og undirbúa komu drengsins.

KE er heldur sínu plássi hjá dagmömmunni þar til um miðjan júlí. Við munum væntanlega ekki nota alla dagana og hafa hana styttra á daginn en venjulega. Ég er reyndar með nagandi samviskubit að hafa hana hjá dagmömmunni og ég heima á meðan. En ég veit að hún hefur gaman af því að vera hjá henni og ég get þá notað tímann við að hvíla mig og græja hitt og þetta.

Það er lítið á döfunni þetta sumarið - þá meina ég fyrir utan komu drengsins. Tvö ættarmót verða ekki sótt að þessu sinni, á Kotmót förum við ekki (nema kannski ef við förum í smá bíltúr í Fljótshlíðina) og Akureyri verður að bíða þar til í haust. En það er svo sem hægt að gera margt skemmtilegt hér á höfuðborgarsvæðinu, t.d. að hitta vini og ættingja (sem eru ekki í útlöndum eða á flandri um landið). Svo er hægt að skella sér á Gospelhátíðina sem er hér í Hafnarfirðinum 20.-29. júní. Það verður eflaust svaka fjör. Á laugardagskvöldið 21. júní verða t.d. ABC tónleikar og þá eru íslenskir tónlistarmenn sem stíga á stokk -spennó.

17. júní á morgun - hæ hó jibbíjei...

» 2 hafa sagt sína skoðun

29.05.2008 21:00:45 / sara

Skjálfti

Ég missti af skjálftanum í dag. Ég var á leiðinni í bílnum að sækja KE til dagmömmunnar. Þegar ég kom á svæðið var hún í nettu sjokki þar sem skjálftinn var nýlega yfirstaðinn. Krakkarnir urðu ekki varir við neitt. Ég vissi ekki hvað beið mín þegar ég kom heim til mín á 8. hæðina... en allt var á sínum stað. Ég hefði svo sem ekki viljað vera heima þegar skjálftinn kom, þetta var víst þokkalegasta hrina.

Í dag eru búnar 33 vikur af meðgöngunni og þetta mjakast allt áfram. Núna bíð ég bara eftir að hætta að kenna. Það eru skólaslit á fimmtudaginn í næstu viku og ég er komin í sumarfrí eftir 10. júní. Ég hlakka mikið til. Ég rölti um gangana eins og mörgæs en bakið er stundum að stríða mér. Það fá allir sjokk þegar þeir spyrja mig hvað ég eigi mikið eftir!!!! Vá, rosalega ertu stór... þetta eru oftast nær viðbrögð fólks - eða ég er spurð hvort ég gangi örugglega bara með eitt barn. Þetta getur nú stundum verið pirrandi, en ég veit að fólk meinar vel. Jú, vissulega er ég stór en ég er nú samt enginn risa hvalur

Litli snáðinn er voða duglegur að sparka og láta vita af sér. Skrímslalætin í stúlkunni eru á algjöru undanhaldi - sem betur fer. Pabbi er ennþá bestur og á helst að gera allt fyrir hana ef hann er á svæðinu - ekki mamma!! Stefni á að ala upp mikinn mömmustrák :haha:

Um síðustu helgi var ég að syngja með Gospelkór Fíladelfíu og Gospelkór Reykjavíkur á tónleikum ásamt Andraé Crouch. Hann er mikill gospelstjarna í Bandaríkjunum og hefur samið mörg frábær gospellög. Það var einstaklega gaman og uppbyggjandi að fá að taka þátt - hann er býsna magnaður karlinn.

Læt þetta vera gott í bili.

» 5 hafa sagt sína skoðun

16.04.2008 21:41:49 / sara

Barnablogg

Karen Eva litla skottan okkar varð 2 ára í síðustu viku. Ótrúlegt en satt. Um helgina voru mikil veisluhöld í tilefni af því og hefði ég þurft á auka frídegi til að jafna mig eftir herlegheitin. Sjálfstæðisbaráttan er algjörlega í fyrirrúmi hjá stelpunni þessa dagana. Það er nokkuð ljóst að hún er ákveðin ung dama. Það er einstaklega flókið hlutverk að vera foreldri - að taka réttar ákvarðanir NÚNA. Það getur tekið á að sjá litla, saklausa engilinn sinn taka góða rispu á gólfinu (með öðrum orðum - breytast í lítið skrím...). En hún er alveg dásamlega skemmtileg sú stutta, voða kát og dugleg. Í þessu ástandi mínu er þó þolinmæði mín af einstaklega skornum skammti. Pabbinn á heimilinu er hlaðinn meiri þolinmæði. Karen Eva er algjör pabbastelpa - enda er hann æði.

Ég er komin 27 vikur og mér líður eins og ég sé frekar komin 37 vikur. Þetta eru mjög ólíkar meðgöngur. Ég var mun léttari á mér þegar ég gekk með Karen Evu. En ég get svo sem ekki kvartað mikið, ég er nokkuð hraust. Einhverjir bakverkir, brjóstsviði og bjúgur (bbb) er svo sem ekkert til að grenja yfir - a.m.k. ekki mikið. En þetta er yndislegt, það er alltaf jafn magnað að finna fyrir spörkunum í litla krílinu.

» 2 hafa sagt sína skoðun

13.03.2008 20:31:08 / sara

Bumbulíf 2

Meðgangan er rúmlega hálfnuð, 22 vikur komnar. Heilsan er bara nokkuð ágæt. Brjóstsviðinn er farinn að láta á sér kræla og mjóbakið er stundum að stríða mér. Skapið getur verið skrykkjótt, sérstaklega gagnvart nemendum mínum. Umfang óléttunnar er mun meira en á fyrri meðgöngu... uhumm. En ég er að fara í páskafrí svo ég hlýt að koma endurnærð og fersk til baka.

Við ætlum að vera fyrir norðan einhvern hluta af páskunum. Ég og Karen Eva ætlum að fara á undan Bigga og fljúga um loftin blá á þriðjudaginn. Það verður gott að fara í norðlensk rólegheit og hitta vini og vandamenn.

Ég var nánast orðin sú eina sem var með opna heimasíðu á barnalandi. En ég er búin að læsa henni núna til að vera eins og hinir :lol:

Ekki hika við að senda póst ef þið viljið fylgjast með.

Kveðja, Sara og co

» 3 hafa sagt sína skoðun

17.02.2008 21:21:45 / sara

iMac

Takk fyrir góðar kveðjur.

Vorum að fá nýja tölvu JIBBÍ!!!! Gamla tölvan var nánast handsnúin og því er algjör draumur að vera komin með þennan gæðagrip. iMac var fyrir valinu (heimilistölva) og erum við hæstánægð með gripinn. Við erum búin að hlaða inn fullt af myndum inn á tölvuna og svo er stefnan að fara með myndir í framköllun - en það hefur ekki gerst frá því við fengum digital myndavél 2004.

Ég vildi bara kasta á ykkur kveðju, hef lítið að segja. Það eru tæpar tvær vikur í 20 vikna sónarinn sem verður spennandi. Við ætlum væntanlega að fá að vita kynið.

Kveðja, Sara

» 2 hafa sagt sína skoðun

31.01.2008 14:36:20 / sara

Skemmtilegar fréttir

Margir vita nú þegar þessar fréttir. En við eigum sem sagt von á okkar öðru barni um miðjan júlí :haha:

Bumbukveðjur...

» 7 hafa sagt sína skoðun

Síður: 1 2 3 ... 12

Heimsóknir

Í dag: 2 Alls: 55509

Dagatal

Klukkan